العياري لـ”الفخفاخ”: “من يبرر للفساد هو فاسد أيضا…وستحاسبون بقوة العدالة”..!

مباشرة بعد انتهاء رئيس الحكومة الياس الفخاخ من الحديث الذي أدلى به مساء امس الى قناتي ” الوطنية 1″ و”حنبعل” نشر النائب ياسين العياري موقفا حادا مما سمعه ، وكتب ما يلي:
“رئيس الحكومة يبرر بكثير من السفسطة و الكلام الفارغ لوزيره…
اليوم ماتت كذبة “الدولة القوية العادلة”!
الفساد أصبح “إجتهاد”! 
الفساد، الجرائم، مخالفة القانون أصبح إسمها .. حكايات فارغة قاعدة تتقال!
حتى الحروب فيها قوانين سيدي رئيس الحكومة.
كنت تنجم تحمي التوانسة و تحترم القانون، ليست يا هاذي يا الأخرى! سفسطة و إبتزاز رخيص.
في لحظة صدق مع التوانسة إمالة سي الفخفاخ؟ خليني نكون في لحظة صدق معاك : من يبرر للفساد هو فاسد أيضا.
وأضاف النائب ياسين العياري في تحديثة ثانية قائلا :
“خلاصة الحوار :
– رسميا مناعة القطيع! موتوا من فضلكم.
– ما تعرفوش الدولة
– الفساد يجوز و نحميه
– الإقتطاع راهو 2626 جديد : تبرع أما بالسيف 
– بش نعرضوا عمال الشركات الي تفاهمت معاها للخطر
– بش نعرضوا أولادكم للخطر = يرجعوا يقراو في آخر ماي
– عنده السلط الكل، تشريع و تنفيذ و ترتيب : و يتعذر بالبيروقراطية
– يبرر في أخطاء الوزراء متاعه
– بش بش بش بش..
– الطعن أمام محكمة إدارية أصبح “أمور عبثية”
– القانون اصبح حكايات فارغة تتقال
– الفساد أصبح إسمه إجتهاد
الباقي؟ خطاب بدون جدوى، عطيناكم، عملنالكم، ما أحلاها حكومتنا.
تخلط يوسف الشاهد ببرهان بسيس و تعمللهم برشة فون دو تان، يطلع الفخفاخ و حواره.
لن أصوت لك لو طلبت تمديد التفويض و ستحاسبون بقوة و عدالة! أما عندنا أحنا، راهم بالحق!”..