ياسين العياري يعتذر من مورو… بوابل من الشتائم وبمختلف الأوصاف”سراق، كذابة، سمسارة، كسالى، وجوقة مهرجين “
حنان العبيدي
نشر النائب بمجلس نواب الشعب، ياسين العياري، تدوينة على موقع التواصل الاجتماعي” فايسبوك”، يعتذر من خلالها بطريقة استفزازية ساخرة من مرشح الانتخابات الرئاسية لحركة النهضة، عبد الفتاح مورو.
وفي ما يلي نص التدوينة
وتمحورت الرسالة حول
كل الإعتذارات من عبد الفتاح مورو،
كسياسي، لم أشأ الدخول في موضوع الإنتخابات الرئاسية بما أننا غير معنيين بالدور الأول، فقط إكتفيت ببعض التعاليق، كمواطن من حين لآخر و دون ذكر أسماء.
إستفزني حديث عبد الفتاح على الأمن القومي الرقمي، إستفزني جدا! علاه؟
الصورة المصاحبة هي تعليق لعادل بن عمر.
من هو عادل بن عمر؟
عادل بن عمر هو عضو مجلس شورى، مستشار لدى وزير تكنولوجيا الإتصالات و عضو مجلس إدارة ال A2T ( هذه كيما نقولوا ال FBI الرقمي التونسي).
لما بدينا نخدموا منذ تقريبا سنة على وكالة مركزية لحماية الأمن الرقمي و cyber defense تكون تحت وزارة الدفاع، تكلف عادل بن عمر بدور “البوليس السياسي”.
كيفاش؟ عادل يحكم في الوزير و رئيس الديوان و الوزارة.
عادل عطلنا بكل الطرق الممكنة و الغير الممكنة، القانونية و غير القانونية.
ريتوا هاك الإدارة العميقة الي يتشكاو و يتبكاو النهضاوية من إنها منعتهم؟ هوما شدوا وزارة الإتصالات عملوا أكثر من ذلك.. بكثير!
ذنبنا؟ ماناش من حزب عادل بن عمر، بوليس النهضة السياسي في الوزارة، وزارة التوانسة الكل “نظريا”.
ذنبنا إلي تلهينا في ما ينفع الناس وقت نواب السيد الوزير عادل بن عمر (أنور معروف رجل قش يسمع و يطيع، الوزير الحقيقي سي عادل) لاهية تعطي في هدايا لمروان مبروك و تتسامح مع السراق.
ما قعدناش نبكيو و نشكيو، هام عطلونا، هام عملولنا، التعطيل أمر موجود في السياسة و نعلم ذلك و نعلم كيفاه نتجاوزوه، و قدمنا في المشروع كثيرا و هو تقريبا حاضر.
عاد كيف سمعت مرشح حزب عادل بن عمر يحكي في الموضوع، قلت يال الوقاحة : يعطلنا و يسرقنا، يسرق خدمة أشهر متع شباب متحمس؟
إنفعلت الحقيقة، لأنه موش ساهل تلقى خدمتك تتسرق من ناس أنت تعلم قداش عطلوها و تعلم أنهم كذابة لا يحققون من وعودهم شيئا.
باهي وينه الإعتذار؟
كيف قريت ما كتب عادل بن عمر (عضو مجلس شورى، مستشار وزير تكنولوجيا الإتصالات، عضو مجلس إدارة A2T و الوزير الحقيقي) و فهمه للفضاء السيبرني، فهمت.. فهمت إنه ما سرقولناش خدمتنا، ظلمتهم : ما فاهمين منها شيء في شيء، مجرد كلمات فارغة حفظوها يعاودوا فيها لا أكثر.
آسف يا عبد الفتاح، ظلمناك، خاطيكم الشيء هذا و ضايعين فيها و أنتم موش فاهمين الموضوع أصلا خلي بش توصلوا تسرقوا خدمة حوله.
باهي، بعد هجمة محترمة و متوقعة و منتظرة من جماعة الطابق الرابع في مونبليزير، يهمني توضيح بعض النقاط :
– مورو مهرج، و هو يعلم أنه مهرج و أنتم تعلمون أنه مهرج.. فقط لأنه هرج و يهرج تهريجا : هذا وصف دقيق و موضوعي لا أكثر.
– منطق الذباب الأزرق الذي يأتي زعمة ناصحا : نقد النهضة ينفعها ما يضرهاش : تكذبون، كنتم مليون و نصف صوت، و ليتوا أقل من 500 ألف صوت و ما تفوتوش في المقبلة 300 ألف صوت! لو لم يكن الأمر يجلدكم في العظم يا متع قانون المصالحة و بيع الثورة لما كنتم تحاولون منعه بكل الطرق.
– راجعت كلامي بالكلمة، حرفا حرفا : أأكده و أمضي عليه مع سبق الإصرار و الترصد : لا فيه لا قلة أدب لا قلة حياء : تلك حقيقتكم كاملة واضحة : سمسارة كذابة لم و لن تحققوا يوما شيئا لهذا البلد، تجمع جديد لا أكثر
– قبل أن نكون سياسيين و مترشحين، نحن مواطنون، و سنذكركم أنتم و كل الطبقة الحاكمة بنتائجكم و حصيلتكم و وعودكم و كذبكم و نحاسبكم كجزء من السيستام الفاشل
– هجمات متع هبطو حكاية في groupe مع “أفرحوا بيه”، تجعل الأمر غير ممتع بالمرة، كيف نستدرجوهم و نبلوكيوهم، باش بش تهرجوا في الإنتخابات 🙂
– منطق هات برنامجك و ما تحكيش على x أو y أجيب عليه على ثلاث مستوايات : أولا نحكيو في الي نحبوا، ثانيا كان جيتوا من نوع البرنامج و الخطط و التصورات، راك ما تجيش تدافع على حزب له من الوقاحة إنه يقدم برنامج ب 400 نقطة، ما تقراهش و تنتخبه و ما يحقق منه شيء و يزيد يقدم برنامج آخر و تعاود تدافع عليه، ثالثا، برنامجنا جاهز و مدروس و مفصل و متأكد الي موش بش تقراه و موش بش تتفاعل معاه، إنت تتحرك فقط لما نتحدث عن أشخاص : جماعتك.
– هاني وحدي، في عام ربحتكم أنتم و شركاؤكم مع بعضكم، أتفهم حقدكم : طفل بدأ وحده بحتى شيء ربحكم و في عام و نص حقق وعوده الكل و خدم أكثر منكم و جاب نتائج أكثر منكم مجتمعين في 5 سنوات و عمل إنتخابات داخلية و إحترم نتائجها 🙂
ألخص إذا : أنتم فاشلون، كذابة، سمسارة، كسالى، فالحين كان في الكذب، نوابكم نواب البوشماوي و المبروك و اللطيف، لا حلول عندكم، سامحوني كنت نسخايبكم تطورتم لدرجة سرقة برامج الناس الأخرى، لكن طلعت غالط برشة، مازلتوا في عقلية التجمع لا أكثر.
توة تنجموا تبعثولي الباندي متاعكم، النائب الي موش متربي، ناجي الجمل الي بعثتوه باش يعتدي عليا جسديا و لفظيا في المجلس :).
مع خالص مودتي، للمهرج و جوقة المهرجين.
