المحور العربي
حنان العببدي
كتب القيادي بحزب البديل التونسي بسيدي بوزيد، فيصل الطاهري، تدوينة على موقع التواصل الاجتماعي ” فايسبوك”، يرد من خلالها على منتقدين المرشح للانتخابات الرئاسية و رئيس الحزب، مهدي جمعة، معتبرا حملة التشويه التي يشنها المنافسين السياسيين ضد جمعة، نكرانا للانجازات التي حققها رئيس الحكومة التونسية الاسبق مهدي جمعة، معددا جملة من أهم إنجازات المرشح الرئاسي الآنف ذكره.
وفي ما يلي نص التدوينة
بعد اعلاني بقراري لدعم مهدي جمعة في الرئاسية وحزب البديل في التشريعية حبيت نرد على بعض الاصدقاء الي قالولي مهدي جمعة اش عمل كي كان رئيس حكومة…اصدقائي مهدي جمعة مسك رئاسة الحكومة 9 اشهر فقط وهي فترة قصيرة جدا مشدهاش سنوات…اصدقائي نذكركم شنيا كان وضع البلاد وقت الي شدها جمعة ..نذكركم انو الارهاب كان يضرب وقتها بشكل يومي وكل يوم دم التوانسة سايل وكل يوم جنازات …ونذكركم انو في الفترة هذيكا الارهاب معادش في الاجبال هبط للمدن ونذكركم انو في الفترة هذيكا العنف السياسي كل يوم وكل يوم الشباب التونسي خارج بالعشارات لسوريا…فمة شكون ينسى اما نذكركم وقتها التوانسة الكل لعاد نحكو لا على اقتصاد ولا على معيشة ولا على تعليم وعلى صحة كنا الكل خايف على البلاد وكنا الكل شاكين باش نوصلو نعملو انتخابات ..ونذكركم وقتها انو اجهزت الدولة بدات تتفكك وصورة البلاد سيء في العالم….حكومة مهدي جمعة شدت البلاد في جانفي والبلاد في وضع سيء على كل المستويات حتى شهاري جانفي مكانوش موجودين…..في بضعة اشهر حكومة مهدي جمعة تطلق معركة كبرى على الارهاب عشارات مخازن الاسلحة تم الكشف عنها وكان تتذكروا مخزن العمران حتى من الاربيجي كان فيه مخزن العمران وحدوا كان العاصمة يرحلها اطنان من الاسلحة والمتفرجات في قلب العاصمة …عمليات امنية في كل المدن وبعد تجي عملية رواد اغتيال مجموعة القضقاضي بعد معادا صاحبنا عامين وهو احوس بالفسبا…في 2014 مهدي جمعة يعمل اجتماع مع القيادة الجزائرية في ثكنة تبسة بالجزائر وبعد بساعات الجزائر تنشر 30 الف جندي على الحدود مع تونس وعلى الفور الجيش التونسي يشن اكبر عملية بعد الثورة ضد الجماعات الارهابية والنتيجة تفكيك عدد من المجموعات الارهابية والتضيق على البقية ..
بعد اشهر الامن يرجع للبلاد وترجع معاه السياحة وتونس في 2014 تحقق اكبر مداخيل في السياحة منذ الثورة…بعدها مهدي جمعة يعمل جولة في الخارج للترويج لصورة تونس بعد ما ادهورت بشكل كبير…مهدي جمعة في المانيا يقابل مركل والمانيا تحول ديون تونس لاستثمارات والمانيا تقرر تمويل مشروع كامل لحماية الحدود مع سوريا وتقرر تزويد تونس بمنظومة استطلاعية متطورة على حسابها ..بعدها مهدي جمعة في الولايات المتحدة واكون اول رئيس حكومة عربي يستقبلو الرئيس الامريكي ببتروكول رئاسي وفي الزيارة تقرر امريكا تسليم تونس 6 طائرات اباتشي مزودة بالصورايخ (تسلمتها تونس في 2016) وتقرر تزويد الجيش التونسي بمعدات متطورة لحرب العصابات في الجبال كيما المناظير الليلية …بعد مهدي جمعة في الصين ايجيب التمويل لمشروع المستشفى الجهوي بصفاقس…بعد مهدي جمعة في الجزائر وتحسن كبير للعلاقات بين تونس والجزائر ..بعد مهدي جمعة في ايطاليا وايطاليا تزود تونس بطائرات استطلاع لمراقبة الجبال…بعد وزير خارجية روسيا في تونس وبعد ملك المغرب في تونس يقرر يقضي العطلة متاعو في بلادنا لدعم صورة تونس……حتى من الناحية الاقتصادية الامور تحسنت قيمة الدينار تتحسن من الي كان 2.35 مقابل اليورو يتحسن واولي 2.15 وهذا كان احسن تحسن بعد الثورة…العجز التجاري يتراجع وقيمة التضخم تتراجع لاول مرة بعد الثورة….الشعب التونسي اعدي لاول مرة صيف شبه خالي من الارهاب الشعب احوس وابحر والاحزاب تحضر في الانتخابات….بعد 9 اشهر فقط تصير انتخابات ديمقراطيةو وشفافة رفعت راس تونس في العالم العربي …الشعب ينتخب والامن موجود والامل في المستقبل موجود…بعد 9 اشهر مهدي جمعة يحقق المهمة الصعبة الي جا على خاطرها واسلم الحكم للنهضة والنداء الي نتخبهم الشعب ويغادر الحكم بكل سلاسة …..هاذا الي عملوا مهدي جمعة بعيدا على الذاكرة القصيرة وحملات التشويش السياسية….
مهدي جمعة كان رجل دولة ورجل رصانة وانسان وقف للبلاد في مرحلة حرجة وهذا الي باش يحفظوا التاريح وانا شخصيا وعائلتي وجزء كبير من اصدقائي باش ننتخبوه بالرغم الي معندنا حتى علاقة بيه باش ننتخبوه على خاطر تونس هذا قرارنا …
