(المعرف الوحيد): وثيقة جديدة مسندة لكل تونسي عند الولادة وصالحة لـ30 سنة بعد وفاته..التفاصيل

في ما يلي تقديم للمعرف الوحيد للمواطن والذي يُسند عند ولادة أي شخص يحمل الجنسية التونسية أو عند حصول شخص على الجنسية التونسية .

🔴شنوة المعرف الوحيد ؟
✅ المعرف الوحيد هو رقم متسلسل يتعطى لكل تونسي نهار اللي يتولد ويقعد معاه حياتو كاملة، هذاكا علاش وزارة الإشراف عليه باش تكون هي وزارة الشؤون المحلية المشرفة على البلديات (الحالة المدنية)

🔴علاش موش بطاقة التعريف ؟

✅ خاطر أي تونسي قبل 18 عام ما عندوش بطاقة، وزيد فمة توانسة ما عندهمش بطاقة (حوالي 200 ألف حسب بعض الإحصائيات)

🔴هل أنو الناس الكل ملفاتها الكل باش تكون في نفس البلاصة ؟ (كنام وضرائب وبطاقة رمادية وبطاقة تعريف)

✅لا، المعرف الوحيد باش يربط بينات ملفات التوانسة في مختلف الإدارات منغير ما يجمعهم الكل في بلاصة واحدة

🔴فاش ينفعني كمواطن ؟

✅اهم حاجة هي تسهيل حياة المواطن ومعاملاته مع الإدارة. مثلا ماعادش إدارة تطلب منك باش تجيب ورقة من إدارة أخرى، تولي وحدها هي تطلب الورقة بصفة مباشرة من الإدارة الأخرى منغير ما تقعد إنت ماشي من مصلحة لمصلحة

✅الدعم باش يتوجه أخيرا لمستحقيه وما يبقى حتى تونسي على الهامش خاطر إسمو ماكانش في المنظومة الصحيحة.

✅زادة باش تكون الرقابة على التهرب الجبائي وعدم التصريح بالعملة أسهل للإدارة ونتقاسمو كلنا نفس الواجبات في المساهمة في موارد الدولة

🔴زعمة ما نخافش على معطياتي الشخصية ؟

✅لا، والهيئة الوطنية لحماية المعطيات الشخصية هي من المساندين للبرنامج هذا وفيه كل الضمانات باش ما يصيرش أي إختراق للمنظومة هذي أو إستغلال غالط للمعلومات اللي فيها.